Шуурганы үед
Шуурганы үед ямар арга хэмжээ авах талаар дэлгэрэнгүй мэдээлэлтэй танилцана уу
.png)
Цасан шуурганд нэгэнт төөрсөн бол яах вэ?
Алхам 1:
Нөмөр газар бараадаж, хунгар цас олох, цас давхарлаж овоолоод хүн багтахаар ухаж орох
Алхам 2:
Сандарч гүйж хөлөрч биедээ чийг авч болохгүй
Алхам 3:
Хамт яваа хүнтэйгээ ойр сууж биеийн элчээ хадгалах
Алхам 4:
Аргал хомоол, өвс, мөчир гэх мэт шатааж болох юу л байна түүгээр гал гаргах
Алхам 5:
Цусны эргэлтээ багасгахгүйн тулд гараа атгаж, суллах
Алхам 6:
Бага ярих, хүйтэн шингэн зүйл, нэн ялангуяа цасны ус уухгүй байх
Төөрсөн үед өөрийн байгаа байршлаа заах
Аливаа аюул, ослын дуудлагыг иргэдээс гурван үгт хаягаар авах боломжийг бүрдүүлж, байршлыг цаг алдалгүй тогтоох зорилгоор онцгой байдлын байгууллага нь "what3words" программыг үйл ажиллагаандаа нэвтрүүлсэн. Түүнчлэн мэдээлэл, дуудлага өгч байгаа иргэн оршин суугаа хаягаа мэдэхгүй, координат өгөх боломжгүй тохиолдолд өөрийн ухаалаг гар утсан дээрээ интернэттэй болон интернэтгүй үед "what3word" программыг ашиглан 3 үгт хаягаа ирүүлснээр дуудлагын байршлыг нарийвчлалтайгаар тогтоох боломжтой юм. Энэхүү программыг өөрийн барьж байгаа гар утаснаасаа хамааран Playstore болон Appstore-ooc татаж суулган ашиглана.
.png)
Сэрэмжлүүлэх мэдээг байнга хүлээн авч заавар, зөвлөмжийг дагах
Гэр, орон байрнаасаа гарахгүй байх. Зайлшгүй гарах тохиолдолд цас, шороо, хүйтэн агаараас хамгаалж малгай, ороолт, бээлий, нүдний шил, цув өмсөх, гэрэл чийдэн авах
Хүүхэд, жирэмсэн эх, өндөр настан, өвчтэй, хөгжлийн бэрхшээлтэй хүмүүсээ асран хамгаалагчтай үлдээх
Төөрч, осгохоос болгоомжлох
Цасан болон шороон шуурганы үед онцгой шаардлага гарсан тохиолдолд гэр бүлийнхэндээ болон хөршүүддээ хаашаа явж байгаа, хэзээ эргэж ирэхээ заавал хэлэх
Аян замд гарахаас зайлсхийх. Замд зайлшгүй гарах тохиолдолд техникийн бүрэн бүтэн байдал, шатахууны нөөц, хүнс, уух зүйл, явах зам харгуй, жолоочийн туршлага, ур чадвар зэргийг харгалзан үзэх, ойр дотныхондоо мэдээллэх
Машин эвдэрч зам дээр саатсан тохиолдолд дуут дохио өгөх буюу антендаа тод өнгийн даавуу уяж болно. Тусламж иртэл машинаас гарахгүй байх. Машинаа асаалттай байлгаж болох бөгөөд угаартахгүйн тулд салхи сөрж зогсоно
Авто машиныхаа яндангийн эргэн тойрон цасанд битүүрсэн эсэхийг шалгаж байх (машины утаа, угаар кабинд орж угаартах аюултай)
Цасан шуурганд амьд гарах нь
Хэн ч өөрийгөө цасан шуурганд амь эрсдэнэ гэж төсөөлөхгүй. Хүний амьдрал адал явдлаар дуурэн учир, зайлшгүй тохиолдол гараад, цасан шуурганд өртөх тохиолдол гардаг. Шалтгаан нь мэдээлэл дутмаг, мэдсэн ч анхаарал сул, цасан шуурганд төөрсөн үедээ авах арга хэмжээгээ судлаагүйгээс болж өртсөн байдаг
ЗОГС
Хэрэв та цасан шуурганд төөрсөн бол сандарч тэвдэлгүй нөхцөл байдлыг ойлгож шийдвэр гаргах түр зогсолтыг хий
АЖИГЛА
Ирсэн зам, газар орон, хүрээлэн буй орчноо сайтар ажиглаж цаашдын төлөвлөгөөнд хэрэг болохуйц зам, мод ургамал, амьтан, цаг агаар, уулс гээд бүгдийг нягтал
БОД
Нөхцөл байдлаа хүлээн зөвшөөрч, төөрсөн цэг, онцгой тэмдэгтэй газар зэргийг эргэцүүлж цаашид юу хийх тухай төлөвлө
ТӨЛӨВЛӨ
Зогс, Бод, Ажигла дарааллыг дагасан бол өнгөрсөн замаа зураглаж, орчноо таньж мэдсэнээр амь насаа хамгаалах, улмаар тусламж дуудах, дохио өгөх гээд юу хийх хэрэгтэй талаар төлөвлөгөө гаргах боломжийг олгодог