Газар хөдлөлтийн дараа
Газар хөдлөлтийн гамшгийн дараагаар хаана хандах, ямар арга хэмжээг авах талаар мэдээлэлтэй байх шаардлагатай
Газар хөдлөх үед гэртээ байгаа бол
Өөрийн сэтгэл санааг бүрэн эзэмдэж, эрүүл ухаанаар эргэн тойрноо харах
Эхлээд өөрийгөө бэртсэн эсэхийг шалгах
Хэрвээ цус алдаж байвал цэвэрхэн материал ашиглан цус тогтоох арга хэмжээ авах
Хүнд гэмтэлтэй хүнийг хамаагүй хөдөлгөж, тээвэрлэж болохгүй
Эмнэлгийн анхны тусламж үзүүлэх
Хүүхэд, өндөр настан, өвчтэй хүмүүсийг тайвшруулах
Нурангид дарагдсан хүмүүсийг өөрийн бололцооны хэрээр аврах
Онцгой чухал шаардлагагүй бол байшинд орох хэрэггүй
Гал гаргаж болохгүй
Шилний хагархай байх тул гутлаа өмсөх
Ямар нэг эвгүй үнэр байвал цонх, салхивчаа нээх
Цахилгаанаа яаран бүү залга
Радиогоо цаг үеийн мэдээн дээр тохируулах
Мэдээ, мэдээлэл хаанаас авах вэ?
Аюулгүй болсныхоо дараа орон нутгийн мэдээний тайланд анхаарлаа хандуулж, яаралтай тусламжийн мэдээлэл, зааварчилгааг батарейгаар ажилладаг радио, ТВ, зарлан мэдээллийн сэрэмжлүүлэх мэдээ, олон нийтийн мэдээллийн хэрэгслээр эсвэл гар утасны мессежээр дамжуулан аваарай.
Улаанбаатар хотын 9 дүүргийн зарлан мэдээлэх дуут дохиоллын нийт 60 цамхаг, 3 телевиз 10 FМ радиогоор гамшгийн дуут дохиог шууд өгнө. Гамшгийн дуут дохиогоор доорх мэдээллийг өгөх тул та бүхэн уг мэдээлэл авсан, сонссон даруйдаа цаг алдалгүй зааврыг дагана уу
Хэрэв танд яаралтай тусламж хэрэгтэй байгаа бол 101 рүү залгаарай.
Орон гэргүй болсон үед хаана хандах вэ?
Сум, дүүрэг, баг, хорооныхоо түр цугларах талбайд очих
Эн тэргүүнд улсын /дүүрэг, хороо, баг/-ийн бүртгэлд бүртгүүлэх хэрэгтэй. https://burtgel.gov.mn/ эсвэл
(+976) 1800-1890
Түр орогнох байранд байрлах 101, 102, 105 рүү залгах
Газар хөдлөлтийн дараах иргэдийн үүрэг, оролцоо
Бусдад өөрийн боломжийн хүрээнд туслах
Сэтгэл зүйн дэмжлэг үзүүлэх
Халуун хоол, цайгаар иргэдэд үйлчлэх
Үнэн зөв мэдээ мэдээллээр хангах
