Зудын өмнө
Зудын өмнө ямар арга хэмжээ авах талаар дэлгэрэнгүй мэдээлэлтэй танилцана уу
Хүйтний улирал (зуд)-ын үеийн бэлтгэл хангахад малчин өрхийн бэлтгэх зүйлс
Гурил, будаа, хүнс, түлээ, нүүрс, мод, лаа, чүдэнз, дэнлүү 21 хоногийн нөөцтэй бэлтгэх
Жил бүрийн 10 дугаар сарын 15-ны дотор бэлтгэх
Хоолны болон цайны халуун сав.
Ам бүлд хүрэлцэхээр
Дулаан хувцас үстэй дээл, бээлий, ноосон цамц, хүзүүний ороолт, нүдний шил (гялбаанаас хамгаалах), дулаан гутал
Хүн нэг бүрээр
Гар чийдэн
Нөөц зай цэнэгтэй байх
Радио хүлээн авагч, нөөц зай
Нөөц зай цэнэгтэй байх
Анхны тусламжийн иж бүрдэл
Эмнэлгийн анхны тусламжид шаардлагатай эм тариа, боох материалын бүрдэл, даралт хэмжигч
Хүнс
Гурил, будаа, ногоон цай, давс, шар тос, мах, гоймон, гурилан бутээгдэхүүн 30 хоногоор
Үүрэн холбооны утас байнгын цэнэгтэй байx
Сүлжээ барих байрлал сонгосон байх
Шүгэл /дохио өгөхөд ашиглана/
Хүн бүрд байна.
Хүрз, малтуур, жоотуу, цас арилгагч
Өрх тус бүр 2-ооc 3 төрөл
Алх, сүх, хөрөө
Хөрөө 2 төрлийн байх
Түлээ, нүүрс
Аргал, хөрзөн мод 14-өөс 21 хоногийн нөөцтэй савлаж бэлтгэсэн байх
Малын нэмнээ
Бог, бодын төл малын 20 хувьд хүрэлцэхээр
Хашааны саравчны нүүрэвч
70x50 харьцаатай тус бүр 2 ширхэг
Олс, дээс, сур
Тус бүр 30-40м
Малын нэмэлт тэжээл
Өвс, тэжээл нөөцөлсөн байх
Тээврийн хэрэгсэл
7 хоногийн шатахууны нөөцтэй байх
Морь, Тэмээ
Эмээл, хазаар, ногт, чөдөр, бурантаг, буйл, тохош бэлтгэх
Өвөлжилтийн бэлтгэлээ ханга
Өөрийгөө болон өмч хөрөнгөө хамгаал
ХАДЛАН БЭЛТГЭХ
Хадланд бүх нийтээр гарахыг хүлээлгүй ургац сайтай газраас эхлэн түүвэрлэн хад, хадсан өвсөө талбайд удааж, бороонд норгож шимт чанарыг нь алдуулахгүйгээр бухалдаж, ус борооноос хамгаал
МАЛАА ЭРҮҮЛЖҮҮЛЭХ
Мал эрүүл байхад ашиг шим нэмэгдэхээс гадна онд мэнд орох, зудыг даван туулах чадвар нь өндөр болно. Малаа мал эмнэлгийн үйлчилгээнд бүрэн хамруул
БЭЛЧЭЭР НӨӨЦЛӨН ХАМГААЛАХ
Өвөлжөө хаваржааны бэлчээрийг зун намрын улиралд буюу жил бүрийн 6 дугаар сараас 10 дугаар сар хүртэл малын ашиглалтаас бүрэн чөлөөлөх замаар өвөл хаврын улирлын нөөц бэлчээр буй болго, бэлчээр дэх тэжээлийн нөөцийг нэмэгдүүл
МАЛ ӨВӨЛЖҮҮЛЭХ НУТГАА ЗӨВ СОНГОХ
Зуншлага тааруу жил отроор мал өвөлжүүлэх шаардлагатай бол мал өвөлжүүлэх газар нутгаа сайтар сонгон орон нутгийн удирдлагатай гэрээ байгуулах
МАЛ СҮРГИЙГ УСААР ХАНГАХ
Одоо байгаа уст цэгийн үйл ажиллагааг сайжруулах, муудаж доройтсон, дарагдсан уст цэгийг сэргээн засварлах, шинээр уст цэг байгуулах арга хэмжээнүүдийг авах
ГАР ТЭЖЭЭЛ БЭЛТГЭХ
Таана хөмүүлийн дарш, адууны халтар хомоол, адууны элэг, өөх, тос, сэвс, малын цус сармис, адууны өөхтэй шар будаа, сүүнд агшаасан будаа зэрэг олон төрлийн гар тэжээлийг бэлтгэж малаа тэжээ
ХАШАА ХОРОО, ХЭВТЭР БУУЦАА БЭЛТГЭХ
Хашаа хороогоо ээлж дараатай засаж сэлбэх, шинээр барих, ариутгал халдваргүйжүүлэх ажлуудыг намрын налгар өдрүүдэд амжуул. "Дундуур идэшнээс дулаан хэвтэр" зарчмыг баримтал. Зуны цагт бууцаа хөх бууц болгон нөөцөл
МАЛАА ДААТГАЛД ХАМРУУЛ
Мал сүргээ малын индексжүүлсэн даатгалд даатгуулж эрсдэлээс хамгаал, даатгалын нөхөн төлбөрөө ав
ОТОР НУУДЭЛ ЗОХИОН БАЙГУУЛАХ
Ган зудтай нутгаас бэлчээр, усны боломжтой нутагт шилжин нүүж, алсын болон ойрын отор хийж, малаа зудын эрсдэлээс хамгаал
МАЛЫН ТОО ТОЛГОЙГ ЦӨӨРҮҮЛЭХ
Малын тоо толгойг цөөлснөөр үлдэж байгаа малд хүрэлцэхгүй байгаа бэлчээр, тэжээл, усны хомсдолоос ангижран тэдгээрийг авран үлдэх хөрөнгийн эх үүсвэртэй болно