Зудын үед
Зудын үед ямар арга хэмжээ авах талаар дэлгэрэнгүй мэдээлэлтэй танилцана уу
Хөлдөлт осголтын үед үзүүлэх анхан шатны тусламж
Удаан хугацааны хүйтний үйлчлэлд үе мөчний төгсгөл хэсэг, эсвэл чих, хамар зэрэг ил орших хэсгүүд хөлддөг. Хүйтний үйлчлэлд хөлдөлт болохоос гадна осголт болдог. Осголт, хөлдөлтөнд хүйтний эрч, агаарын чийглэг, салхины хурд зэргээс гадна хувцаслалт, биеийн эсэргүүцэл чухал үүрэгтэй. Бариу давчуу гутал хувцас нь цусны эргэлтийг саатуулж, амархан хөлдөх нөхцлийг бүрдүүлнэ. Мөн эцэж ядрах, цус алдах, удаан хугацаанд хөдөлгөөнгүй байх зэрэг нь хөлдөлтийг түргэсгэдэг. Хөлдөлтийг явцаар нь хөлдсөний дараах буюу шинж тэмдэг нь балархай үе, гэссэний дараах буюу шинж тэмдэг нь илрэх үе гэж хоёр хуваана. Хөлдөлтийг хүндрэлийн зэргээр нь 4 ангилдаг.
І ЗЭРГИЙН ХӨЛДӨЛТ
Арьсны өнгө цайж, бага зэрэг хөхөрсөн, чичирч, ярихад хэцүү болно
ІІ ЗЭРГИЙН ХӨЛДӨЛТ
Илт нойрмоглож, толгой эргэх, бие сулрах, ухаан санаа балартах
III ЗЭРГИЙН ХӨЛДӨЛТ
Ухаан алдах буюу ухаан бүдгэрнэ. Дэмийрч, таталт өгнө.
IV ЗЭРГИЙН ХӨЛДӨЛТ
Бүрэн ухаан алдана. Амь насаа алдах эрсдэл үүснэ.
Хөлдөлтийн үед юуны өмнө дулаан байранд оруулж хөлдсөн хэсгийг спирт, үнэртэй ус зэргээр арчаад, аажим гэсгээнэ.
Мөчийг мөстэй, хүйтэн усанд дүрэх, эсвэл цасаар үрж зөөлөн иллэг хийж, цусны эргэлтийг аажим сэргээх арга хэмжээ авна.
Өвчтөнд халуун цай уулгах замаар дотроос нь аажим гэсгээж болно
Хөлдсөн хэсэгт хөвөнтэй зузаан боолт хийж өгнө. Гүн хөлдөлтийн үед анхны арга хэмжээг эрчимтэй аваад мэргэжлийн эмчид хүргэх нь чухал
Хөлдөлт, осголтоос сэргийлэхэд цаг улирлын байдалд гутал, хувцсаа зөв тохируулах, хүйтэнд ажиллахын өмнө сайн амрах, илчлэг сайтай хооллох
Хүйтэнд архи хэрэглэх нь буруу. Учир нь архи захын судсыг түр тэлж өргөсгөн дулаан алдах явдлыг түргэсгэхээс гадна биеийн эсэргүүцлийг доройтуулна
Нэрвэгдэгчийг дулаан байранд оруулж, гутал бээлийг тайлна. Хөлдсөн үе мөчийг хуурай даавуугаар арчиж, бүлээн устай (32-34.5 хэмтэй) саванд дүрнэ. 10 минутын дотор усны дулааныг 40.5хэмд хүргэнэ
Арьсны мэдрэмж, цусны эргэлт сэргэсэн үед үе мөчийг хуурай болтол арчиж, 33%-ийн спиртийн уусмалаар арчин, ариун буюу цэвэр боолт хийнэ (индүүдсэн цэвэр оймс буюу бээлий өмсгөж болно)
Биеийн хөрөлтийн үед нэрвэгдэгчийг дулаан хучиж, халуун жин тавьж, халуун цай уулгана
ОСГОЖ, БЭЭРЭХ ҮЕД ҮЗҮҮЛЭХ АНХНЫ ТУСЛАМЖ
Хүний бие организм бүхэлдээ аажим аажмаар даарч хөрснөөс хөдөлж чадахгүй болж хөшиж үхлүүт байдалд орохыг осголт гэнэ. Хүмүүс хүйтэн сэрүүний улиралд хээр гадаа явахдаа хувцсаа тохируулж өмсөөгүйгээс осголт нь их тохиолддог. Осгосон хүн ярих чадваргүй болж, улмаар гар, хөл нь хөдлөхгүй, өөрийгөө удирдах чадваргүй болж, бүх бие нь хөшингө болсон байдаг. Улмаар муужран унаж, амьсгал зүрх судасны ажиллагаа зогсоно
Нэрвэгдэгчийг дулаан байранд оруулж, аажмаар дулаацах нөхцлийг хангана. Тасалгааны хэмтэй усанд оруулж усны хэмийг 360С хүртэл ихэсгэнэ
Биед нь дэс дараалалтай зөөлөн иллэг хийж өгнө
Ухаан орж амьсгалж чадах болохоор нь дулаан хучиж, юм ууж чадах бол халуун цай, шөл бага багаар өгнө
Эмнэлэгт яаралтай дуудлага өгөх, хүргэж өгөх арга хэмжээ авна
ХОРИГЛОХ ЗААЛТ
Осгосон эрхтэнг урж массаж хийхгүй
Согтууруулах ундаа уулгахгүй
Цэврүүг хагалж болохгүй
Ил гал, зуух, халаагуурын ойролцоо суулгахгүй.
Халаах хөнжил хэрэглэхгүй
